सुरेन गुरुङ
शिख । म्याग्दीको अन्नपूर्ण गाउँपालिका–५ स्वाँतमा निर्माण भएको सडक र मन्दिर मंगलबार उद्घाटन गरिएको छ ।
स्वाँतको पुल देखि घुर्जा जोड्ने मोटरबाटो र स्वाँत टोलको गणेश मन्दिरको पुर्व मन्त्री उत्तमबहादुर पुनले उद्घाटन गर्नुभएको हो । पुन समुदायबाट पहिलो पटक मन्त्रि भएका उत्तमको जन्मथलो स्वाँत हो ।
स्वाँत टोल सुधार समितिका अध्यक्ष टेकबहादुर तिलिजाको अध्यक्षता र नारायण तिलिजाको सञ्चालनमा सम्पन्न कार्यक्रममा गायक कुमार पुन र गायिका बसन्ती थापामगरले गित तथा स्थानीय कलाकारहरुले नृत्य प्रस्तुत गर्नुभएको थियो ।
कार्यक्रममा अन्नपूर्ण गाउँपालिकाका अध्यक्ष डमबहादुर पुन, क्याप्टेन बलबहादुर तिलिजा, नरबहादुर तिलिजा, कार्यवाहक वडा अध्यक्ष राजेश तिलिजा, वडा सचिव कुलप्रसाद आचार्य, अगुवा चन्द्र गर्बुजा, बागबिर पाइजा लगायतको उपस्थिति रहेको थियो ।
कार्यक्रममा गाउँको विकासमा अगुवाई गर्ने पुर्व मन्त्री उत्तम पुन, क्याप्टेन बलबहादुर तिलिजा, नरबहादुर तिलिजा, चन्द्र गर्बुजा, गाउँपालिका अध्यक्ष डमबहादुर पुनलाई स्थानीयबासीहरुले दोसल्ला ओढाएर सम्मान गरेका थिए । प्रमुख अतिथि पुनका परिवारले टोल सुधार समितिलाई रु. ७५ हजार पनि सहयोग गर्नुभएको थियो ।
