बेनी,। नेकपा एमालेले आगामी वैशाख ३० गते हुने स्थानीय तहको निर्वाचनमा मंगला गाउँपालिका–१ कुहुँको वडा अध्यक्षमा एकजित रोकालाई उमेद्वार बनाउने भएको छ ।
वडा कमिटिको बैठकले रोका लगायत वडाका अन्य चार जना सदस्य पदका उमेद्वार सर्वसम्मत टुङ्गो लगाएको हो । वडा अध्यक्षको उमेद्वार चयन हुनुभएका रोका एमालेका वडा कमिटि अध्यक्ष समेत हुनुहुन्छ ।
विदेशबाट फर्किएपछि गाउँमै युवा क्लव र सामाजिक संस्था तथा उपभोक्ता समितिको पदाधीकारीमा बसेर विकास निर्माणको अगुवाई गरेका रोका एमाले निकट युवा संगठन हुदै पार्टी राजनीतिमा आउनुभएको हो ।
खुल्ला वडा सदस्यमा ओमकार शेरपुञ्जा, नरबहादुर खत्री, दलित महिला सदस्यमा संगिता किसान र महिला सदस्यमा दिलकुमारी खत्रीलाई उमेद्वार बनाउने निर्णय भएको छ । शेरपुञ्जा र खत्री हाल बाहालवाला वडा सदस्य हुनुहुन्छ ।
