बेनी । बेनी नगरपालिका–३ भकिम्लीको डाडाखानी स्थित बालप्रिय सारदा आधारभूत विद्यालयका शिक्षक देवी सुवेदीले जन्मदिनको अवसर पारेर बुधबार विद्यालयलाई सहयोग गर्नुभएको छ ।
विद्यालयलाई रु. २५ हजार नगद सहयोग गर्नुभएकी शिक्षक सुवेदीले विदार्थीहरुलाई शैक्षिक सामग्री पनि वितरण गर्नुभएको थियो । प्रअ जमुनाकुमारी रोकालाई नगद हस्तान्तरण गर्नुभएको थियो ।
कक्षा ८ सम्म पढाई हुने विद्यालयमा १०२ जना विद्यार्थी छन् । जन्मदिन मनाउदाँ हुने फजुल खर्च घटाएर विद्यालयलाई सहयोग गरेको शिक्षक सुवेदीले बताउनुभयो ।
