रत्नेचौर । म्याग्दीको बेनी नगरपालिका–१ मा सञ्चालित ‘रत्नेचौर धार्मिक महोत्सव’ को पाँचौ दिनसम्म साढे सत्र लाख रुपैयाँ सहयोग जुटेको छ ।
परम वैदिक सनातन धार्मिक आश्रममा अवस्थित श्रीलक्ष्मी हरी मन्दिरमा फागुन २३ गतेदेखि शुरु भएको महोत्सवमा पाँच दिनसम्म रु. सत्र लाख ४७ हजार २०० संकलन भएको हो ।
आयोजक समितिका उपाध्यक्ष चिरञ्जिवी बोगटीले पाँचौ दिन शुक्रबार इन्दिरा सापकोटा शर्माले संयुक्त रुपमा रु. पाँच लाख ५५ हजार ५५५ सहयोग गर्नुभएको जानकारी दिनुभयो । यसअघि हिमालय बाबाजीले रु. पाँच लाख, पूर्णबहादुर कुँवर र कमला कुँवरले संयुक्त रुपमा रु. एक लाख २९ हजार ३५६, बलबहादुर थापाले रु. एक लाख पच्चिस सहयोग गर्नुभएको थियो ।
लक्ष्मीहरी मन्दिरको २५ औं रजत जयन्ती तथा संस्थापकचार्य जगतगुरु अनन्त श्री विभूषित श्रीपराङ्कुशाचार्य यतिराज जीयर स्वामीजी महाराजको नाक्षत्र शताब्दीको अवसरमा आयोजित महोत्सव फागुन ३० गतेसम्म सञ्चालन हुने जनाइएको छ ।
रत्नेचौर क्षेत्रमा रहेको धार्मिक महत्वलाई उजागर तथा प्रचार प्रसार र लक्ष्मीहरी मन्दिरको चौतर्फि विकासका लागि महोत्सवले सहयोग पुग्ने अपेक्षा गरिएको छ । हिमालय बाबाजीको तत्वावधानमा महोत्सव सञ्चालन भएको हो ।
