गोपाल आचार्य
ताकम । म्याग्दीको धवलागिरी गाउँपालिका–७ मा रहेका दुई वटा विद्यालयमा दिवंगत पुर्व शिक्षकको सम्झनामा उहाँका परिवारले शुक्रबार रु. असी हजार छ सय सहयोग गर्नुभएको छ ।
ताकमका स्वर्गीय लक्ष्मीनिधी सुवेदीको परिवारले हेम मावी शिवाङमा रु. चालीस हजार पाँच सय र ताकम माविमा रु. चालीस हजार एक सयको अक्षयकोष स्थापना गर्नुभएको थियो ।
सुवेदीका श्रीमति दिलकुमारी र भगवति सुवेदीले वार्षिक पुण्य तिथि पारेर वडा अध्यक्ष कलानिधी शर्माको रोहबरमा हेम मावीका प्रअ शेरबहादुर केसी र ताकम माविका प्रअ ओमकार पौडेललाई रकम हस्तान्तरण गर्नुभएको थियो ।
सुवेदीले हेम मावीमा वि.स. २०१० मा जनहित प्रा.वि. हुँदा शिक्षकको रुपमा पढाउनुभएको थियो । यसैगरी हालको ताकम मावि प्रा.वि हुँदा २०१० को दशकमा सुवेदीले प्रअको जिम्मेवारी सम्हाल्नुभएको थियो । हेम माविमा गरिब, असाहय, अनाथ बालबालिकाको छात्रवृत्तिका लागि सहयोग गर्नुभएको हो ।
