बेनी । नेकपा माओवादी केन्द्र निकट अनेमसंघ क्रान्तिकारीको बेनी नगर कमिटिको दोस्रो नगर अधिबेशनबाट ३५ सदस्यीय कार्यसमिति चयन भएको छ ।
अम्बिका ढुङ्गानाको अध्यक्षतामा चयन भएको कमिटिको उपाध्यक्षमा संगिता परियार छन्त्याल, सुनिता सापकोटा, सचिबमा मैनकला राई सोनिया, सहसचिबमा पद्मा शर्मा र कोषाध्यक्षमा सबिना भण्डारी रहनुभएको जिल्ला अध्यक्ष ज्योति लामिछानेले जानकारी दिनुभयो ।
अधिवेशनको उद्घाटन गर्दै नेकपा माओवादी केन्द्र म्याग्दी जिल्ला इञ्चार्ज गोबिन्द पौडेलले माओवादीले उठाएको समावेशीको राजनीतिक मुद्दा संबिधानमा समावेश भएर पछाडी परेका महिला, दलित, जनजाती, आदीवासीहरुले अवसर पाएको बताउनुभयो ।
सबै किसिमका विभेद्को अन्त्य गरी समतामुलक समाज निर्माण गर्ने माओवादीको राजनीतिक मुद्दा सफल पार्न लक्षित समुदायले साथ दिनुपर्ने र अधिकार उपभोगमा अग्रसर बन्नुपर्ने बताउनुभयो ।
