धौलागिरि खबर

राखुकी मृगौला पिडित चनमाया मगरद्धारा सहयोगको याचना

बेनी। मृगौला सम्बन्धी रोगबाट थलिएकी म्याग्दीको रघुगंगा गाउँपालिका–३ पिप्लेकी एक महिलाले सहयोगको याचना गर्नुभएको छ ।

पिप्लेको तुसारेपानीकी ५५ बर्षीया चनमाया मगरको मृगौला फेल भएपछि उपचारमा आर्थिक अभाव भएको हो । उहाँको पोखराको मणिपाल शिक्षण अस्पतालमा उपचार भइरहेको छ । उपचारमा आर्थिक समस्या देखिएपछि सहयोगको अपिल गर्नुभएको हो ।

परिवारको कमजोर आर्थिक अवस्था भएकी मगरको उपचारका लागि परिवारका सदस्य र आफन्तले सहयोग गर्न नसक्ने भएपछि समस्या परेको छ । अस्पतालमा नियमित डाईलासिस सहित अन्य औषधी लगायतका खर्चमा समस्या भएको मगरले बताउनुभयो ।

‘मलाई रोग लाग्दा परिवारबाटै साथ दिने कोही छैन,’् मगरले भन्नुभयो ‘थप उपचारमा आर्थिक जुटाउन नसकेर अहिले घरमा आएर बसेको छु ।’ उनका परिवार खेतिकिसानी र ज्याला मजदुरी गरेर जिविकोपार्जन गर्दै आएका छन् ।

हाल नियमित डायलाइसिस र भविस्यमा प्रत्यारोपण सहित औषधिका लागि खर्च जुटाउन सकेमा नयाँ जिबन पाउने उहाँको आशा छ । मृगौला प्रत्यारोपण तथा डायलासिस गर्नुपर्ने चिकित्सकले बताएपछि चैत यता ६ लाख खर्च भइसकेको छ । उहाँकोे उपचारमा आफन्तले सहयोग गरेका छन् ।
राखुबाट स्वदेश तथा विदेशमा रहेकाहरुलाई सहयोग जुटाउन अपिल गरेका छन् । सिटिजन्स बैंकको बेनी शाखामा चनमाया मगरको नाममा ०१८०१००००१०५३०३५ को खाता खोलेर सहयोगको अपिल गरेका छन् ।

प्रतिक्रिया दिनुहोस
Loading...