धौलागिरि खबर

विद्युत आपुर्ति नियमित बनाउन माग

बेनी, । नेकपा निकट राष्ट्रिय युवा संघ र अनेरास्ववियू म्याग्दीले बुधबार नेपाल विद्युत प्राधिरकण म्याग्दी वितरण केन्द्रमा नियमित विद्युत आपुर्तिको ब्यवस्था मिलाउन माग गर्दै ध्यानाकर्षणपत्र बुझाएका छन् ।

अनियमित विद्युत आपुर्ति नहुँदा जनजिवन, उद्योग ब्यवसाय, सार्वजनिक सेवा प्रवाह प्रभावित भएपछि समस्या समाधानका लागि दवाव दिन ध्यानाकषर्ण गराउदै ज्ञापन पत्र बुझाएका हुन् ।
पुर्व जानकारी विना विद्युत आपुर्ति बन्द हुदाँ जनतामा परेको असर र अनियमित विद्युत आपुर्तिको समस्या समाधानप्रति गम्भिर बन्न केन्द्रलाई माग गर्दै राष्ट्रिय युवा संघका सह–संयोजक सन्दिप खत्री र अनेरास्वीयूका संह–सयोजक रेशम केसी लगायतको टोलीले प्राधिकरण म्याग्दी वितरण केन्द्रका प्रमुख माधव महतलाई ज्ञापन पत्र बुझाउनु भएको हो ।

विद्युत अनियमित हुदाँ जिल्लामा ब्यवसाय र सेवाप्रवाहमा ढिलासुस्ती भएको जानकारी गराउदै तत्काल भएको समस्या समाधान गर्नका लागि जिल्लामा सबै सरोकारवालहरुसंग सहकार्य गरेर विद्युत आपुर्तिलाई सहज बनाउन केन्द्रलाई आग्रह गर्नुभएको थियो । केन्द्रका प्रमुख महतले बर्खायामा पहिरो र रुख लडेर विद्युतको मुख्य वितरण लाईनमा पटक पटक असर गर्दा भौगोलिक र कम जनशक्तिले समयमै मर्मत गर्न असहज भएको बताउनुभयो ।

विद्युत वितरण दुरी लामो हुदाँ एक ठाउँमा विग्रदा सबै ठाउँमा विद्युत बन्द हुदै आएको जानकार दिदै विद्युत आपुर्ति समस्या समाधान गर्नका लागि वितरण लाईनको दुरी कम गर्दै सवस्टेशन बनाउने र प्रत्येक सवस्टेशनमा फरक फिडर बनाउने तयारीमा लागेको जानकारी दिनुभयो । उहाले सबैसंग सहकार्य गरेर विद्युत अनियमितता हटाउने प्रयासमा रहेको बताउनुभएको छ ।

प्रतिक्रिया दिनुहोस
Loading...