धौलागिरि खबर

बन्दाबन्दीमै सकियो बेनी बजार संरक्षण आयोजना

बेनीमा सञ्चालित नदी नियन्त्रण योजना कोरोनाको त्रास र लकडाउनकै अवधिमा सकिएको छ ।

रुपाताल संरक्षण एकिकृत विकास परियोजनाले रु. आठ करोड ७८ लाख रुपैयाँको लागतमा बेनी बजार स्थित कालीगण्डकी र म्याग्दी नदीको किनारमा ४३५ मिटर पक्कि रिटेनीङ र आरसिसी पर्खाल निर्माण गरेको हो । उर्जा, सिचाई तथा जलस्रोत मन्त्रालयको जोखिमयुक्त जिल्ला सदरमुकाम बचावट कार्यक्रम अन्तरगत परियोजनाले बेनीमा दुई वटा ठेक्का मार्फत नदी नियन्त्रण गरेको जनाएको छ ।

लकडाउनको अप्ठ्यारो परिस्थितिका बावजुद पनि निर्धारित समय अगावै योजना सकिएको परियोजनाका इञ्जिनियर राजेन्द्रकुमार श्रेष्ठले बताउनुभयो । ‘‘कालीगण्डकीको बाँया किनार पर्वत तर्फ २०० मिटर ग्याबीयन पर्खाल लगाएका छौ,’’ उहाले भन्नुभयो ‘‘बायाँ किनार म्याग्दीतर्फ आरसिसी र मेसिनरी वाल लगाउने लकडाउनका बीच बर्खा अघिनै सकियो ।’’

Rara Auto Mobiels

रु.तीन करोड ७० लाखमा ठेक्का लिएको नयाबाटो कन्ट्रक्सनले मंगलाघाटमा म्याग्दी नदी किनारमा ८३ मिटर लम्बाई भएको मेसिनरी पर्खाल बनाएको छ । यस्तै कालीपुलको तल्लो भागमा ४५ र माथिल्लो भागमा ५६.७५ पर्खाल लगाएको छ । मेसिनरी पर्खालको उचाई ८ दशमलक ५ मिटर छ । गत असारमा सम्झौता गरेको कम्पनीले एक महिना अगावै काम सम्पन्न गरेको छ ।

२०७५ भदौ २८ गते कालीगण्डकीमा आएको बाढीले निर्माणाधिन पर्खला बगाएपछि रुग्नमा परिणत भएको खड्का कृष्ण कन्ट्रक्सनसँगको ठेक्का मार्फत आरसिसी पर्खाल निर्माण पनि सकिएको छ । रु. पाँच करोड आठ लाख ३२ हजारको लागतमा बाढीले बगाएको ९७ मिटर तथा बाँकी आरसीसी पर्खाल निर्माण पनि सकेको परियोजनाका अर्का इञ्जिनियर कृष्णबहादुर विश्वकर्माले बताउनुभयो ।

उहाका अनुसार बेनी नगरपालिका कार्यालय अगाडी म्याग्दी नदी किनारमा १७३.५ मिटर, खुल्ला मञ्च क्षेत्रमा ७०.५ र कालीगण्डकी किनारमा १४.४५ मिटर लामो छ मिटर अग्लो पर्खाल निर्माण भएको छ । कालीगण्डकीको बाँया किनारमा पर्ने पर्वतको जलजला गाउपालिकाको बगरफाँट र वारीबेनीमा पनि एक करोड पचास लाख रुपैयाँको लागतमा ६०० थान ग्यावीयन पर्खाल निर्माण भएको छ ।
कालीगण्डकी र म्याग्दी नदीको दोभानमा पर्ने बेनी नगरपालिका–२ भसभसेको पहिरो र बगरफाँटको कोतखोला नियन्त्रणका लागि पनि रु. पचास÷पचास लाखको लागतमा ग्यावीयन पर्खाल निर्माण सुरु भएको छ । बेनी बजार बर्खा याममा कालीगण्डकी र म्याग्दी नदीमा आउने बाढीको चपेटामा परेको छ । नदी कटानका हिसाबले बेनी देशकै जोखिमयुक्त जिल्ला सदरमुकाम हो ।
नदी नियन्त्रण भएपछि सुरक्षित महशुस गरेका बेनीको मंगलाघाटका अमरबहादुर घिमिरेले बताउनुभयो । लकडाउनका काम हुन नसकेर नदी नियन्त्रण योजना अलपत्र पर्ने र बर्खामा नदीले कटान गर्ने चिन्ताले पिरोलिएका बेनीबासीलाई राहत मिलेको छ । मंगलाघाटकै पुस्कलबहादुर जोशीले बाँकी ठाउँमा पनि पर्खाल निर्माणलाई निरन्तरता दिनुपर्ने बताउनुभयो । उपलब्ध मजदुरहरुलाई सुरक्षा सतर्कता अपनाएर परिचालन तथा निर्माण सामग्रीको व्यवस्थापन गरेर नदी नियन्त्रण योजना निर्माण गरेको खड्का कृष्ण कन्ट्रक्सनका प्राबिधिक निश्चल पौडेलले बताउनुभयो ।

Dhakal lab
प्रतिक्रिया दिनुहोस
Loading...