धौलागिरि खबर

रिजालले ल्याए ‘सम्झना’

बेनी, १२ जेठ । म्याग्दीका लोक दोहोरी गायक रामु रिजालको पहिलो लोक दोहोरी गित ‘सम्झना’को म्युजिक भिडियो सार्वजनिक भएको छ ।

मालिका गाउँपालिका–६ दरबाङ्ग बजारमा पुस्तक व्यवसाय संचालन समेत गर्दै आउनुभएका लोक गायक रिजालको सो गित म्युजिक भिडियो डिजिटल स्टार युट्युव मार्फत बुधबार सार्वजनिक गरिएको हो ।

गायक रिजालको स्वरमा रहेको उक्त गीतमा चर्चित गायक एब मोडल कृष्ण रेउले र रुबिना अधिकारीको अभिनय रहेको छ । तनहुको दमौली लगायत विभिन्न ठाउँमा छायाँकन गरिएको छ । गित माया प्रितिमा आधारित भएको लोक गायक रिजालले बताउनुभयो ।

‘सम्झना’ गित मार्फत औपचारिक रुपमा सागितिक यात्रा थाल्नुभएका रिजालले गितले सफलता पाउनेमा विश्वास व्यक्त गर्नुभयो । यस गितको सफलता संगै छिट्टै अर्काे गित प्रस्तुतीको तयारीमा रहेको उहाँले बताउनुभयो ।

म्युजिक भिडियोको निर्देशन तारानाथ आचार्य र कोरियोग्राफ होम गुरुङले गर्नु भएको छ भने छायाँकन गणेश सापकोटाको रहेको छ । गायक रीजालको शब्द र लोक गायक अमित बिश्वकर्माको लय सृजना रहेको उक्त गीतमा रीजाल र लोक गायीका रीना केसीको स्वर रहेको छ ।
लोक गायक बिश्वकर्मा र लोक गायिका शान्ता परियारको कोरस आवाज रहेको गीतको संगीत संयोजन चर्चित एरेन्जर तारानाथ आचार्यले गर्नुभएको हो ।

प्रतिक्रिया दिनुहोस
Loading...